Arkiv-Lajme

Gazeta "The Wall Street Journal" i dedikonte një artikull dje në versionin e saj online raportit të FMN-së rreth përpjekjeve të Shqipërisë për ndalimin e qarkullimit të parave të pista në vend dhe për parandalimin e financimit të terrorizmit. Sipas gazetës amerikane, pavarësisht se janë aprovuar ligje kundër pastrimit të parave të pista dhe financimit të terrorizmit, ato fare pak zbatohen në Shqipëri.

Captain America: Hakmarrësi i parë (The First Avenger), në rolin kryesor Chris Evans, kryeson Box Office pas shfaqjes premierë fundjavën e kaluar me një xhiro në shifrën $65.8 milionë, sipas agjencisë Associated Press, duke vendosur një rekord të ri si filmi që ka fituar më shumë në shfaqjen premierë, në të gjithë historinë e kinemasë.

Në një artikull editorial, gazeta Washington Post komentonte dje aksidentin katastrofik të trenave të shpejtë që ndodhi në Kinë të shtunën e kaluar, kur dy “trena-predhë” u përlasën mbi një urë në provincën Zhejiang, duke shkaktuar 39 viktima e duke plagosur dhjetra të tjerë.  Autoritet kineze njoftuan se aksidenti u shkaktua nga një mosfunksionim i sistemit të sinjalizimit.

Minatorët e Bulqizës kanë shtuar kërkesat e tyre, duke kërkuar rritje page nga 20% në 40%, si dhe largimin e administratorit të “ACR”, kompanisë bijë të koncernit minerar austriak “DCM DECOmetal”.Greva e urisë e minatorëve të Bulqizës është sot në ditën e pestë. Të ngujuar në galeritë e minierës 1400 metër nën tokë, minatorët vijojnë grevën, pavarësisht përkeqësimit të gjendjes shëndetësore dhe kushteve aspak të përshtatshme për një grevë urie.