Arkiv-Lajme të përditësuara

Vizita e një ministri serb në Gjakovë u prit me protesta të banorëve që vuajnë akoma pasojat e luftës, ku krimet serbe u kanë marrë të dashurit e tyre. Qindra njerëz dolën në rrugë e bllokuan hyrjen e ministrit Vulin në manastir. Ndërsa akoma funksionari serb nuk e ka parë të nevojshme të kërkojnë falje për krimet e luftës të kryera në Kosovë më keq akoma ai ka fyer njerëzit e lënduar e të zemëruar që protestonin.

Kryetari dhe anëtarët e Këshillit të Komunës Kërrabë, si dhe përgjegjësja e Seksionit të Ndihmës Ekonomike dhe të Personave me Aftësi të Kufizuar janë paditur sot në prokurori nga Shërbimi Social Shtetëror i Ministrisë së Mirëqenies Sociale me akuzën e shpërdorimit te detyres.

Partia Demokratike e cilëson si zhvatje të shqiptarëve zhdoganimin në sasi të larta dhe të pazakonta gjatë muajit dhjetor të karburanteve dhe cigareve, mallra për të cilat Qeveria kishte vendosur rritjen e akcizes që nga 1 janari. 

Opozita deklaroi se shqiptaret do ta paguajne me shtrenjte ate, qe Qeveria e konsideroi si arritje historike, per tejkalimin e te ardhurave nga doganat. 

Gazeta “Panorama” ne kryeartikullin e saj te sotem shkruan per problemin e  administrates, e cila edhe këtë vit do të duhet të presë për të marrë rrogën e fundit të dhjetorit. 

“Deri dje asnjë pagesë nuk është bërë nga Thesari për shkak të zërave të padetajuara si rezultat i mungesës së informacionit nga institucionet. Kjo në fakt nuk përbën habi. Pothuajse çdo vit ka pasur precedentë të vonesave në pagesa me argumente të ndryshme që duket se nuk kanë munguar edhe këtë vit”- shkruan “Panorama”. 

Tre kambistë janë plagosur dhe më pas janë grabitur në qendër të qytetit të Durrësit rreth orës 08:15. Ngjarja ka ndodhur te tregu i valutës, te sheshi "Pranvera" në Durrës, ku tre persona të armatosur që udhëtonin me një makinë me shenja policie kanë grabitur kampistët, Edmond Sallaku, Arben Çuni dhe Hajdar Lala. Sipas informacioneve të para, grabitësit kanë zbritur nga një makinë tip “Land Rover” me targa angleze, të veshur ushtarak dhe janë afruar kampistëve.

Qeveria e Shqipërisë dhe ajo e Kosovës kanë vendosur ta nisin bashkë rrugëtimin për përmbushjen e sfidave të 2014-s. Është kjo një risi që mbart një simbolikë të fuqishme që hyn për herë të parë në praktikën qeverisëse dhe që është përshëndetur nga qytetarët shqiptarë. Dy qeveritë shqiptare, ajo e Shqipërisë dhe ajo e Kosovës, do të mblidhen në datën 11 janar, në një takim të përbashkët në qytetin e Prizrenit.

Policia e Maqedonisë ka sekuestruar mëngjesin e sotëm një sasi prej 2 kilogram lëndë narkotike e llojit heroinë dhe ka vënë në pranga një shtetase shqiptare që po e transportonte atë.

Droga u gjet dhe u sekuestrua gjatë kontrolli të ushtruar në autobusin e linjës Stamboll – Shkup, në pikën e kalimit të Bogorodicës, mes Maqedonisë dhe Greqisë.

Autoritetet doganore theksuan se droga u gjet në trupin e një shtetaseje shqiptare, me inicialet A.K nga Tirana, e cila disa pako të mbushura me drogën i kishte lidhur rreth trupit të saj.

Familjet, të cilat kanë përfituar kredi të buta nga bashkitë për strehim në mënyrë abuzive pa plotësuar kriteret apo duke falsifikuar dokumentacionin, rriskojnë t'i shlyejnë kreditë me interesat e tregut. 

Deri me tani jane 3500 familje, te cilat kane perfituar dhe kane lidhur kontrata me banken.

TIRANE- Ministria e Brendshme dhe Partia Demokratike kanë replikuar sot lidhur me shifrat e krimit në vend.  Duke iu referuar statistikave të muajit dhjetor të bëra publike pak ditë më parë nga ministri i Brendshëm, PD tha sot se këto janë statistika që shkruhen, redaktohen dhe publikohen nga vetë ministri, Saimir Tahiri.

Ministria e Jashtme ka hedhur poshtë lajmet e botuara sot mbi mbylljen e mundshme të disa ambasadave të Shqipërisë në vendet e rajonit. Në një deklaratë për shtyp, MPJ thekson se nuk është marrë asnjë vendim për mbyllje të asnjë ambasadave.