Xhihadisti kosovar kërkon kokën e gjeneralit amerikan

Lavdrim Muhaxheri, njëri ndër xhihadistët e parë që ka dalë me video publike dhe ka ftuar kosovarët që të shkojnë e të luftojnë në Siri, është bërë sërish protagonist i mediave online me një thirrje të re, që u bën me dije skeptikëve se “nëse besoni se myslimanët po luftojnë mes vete, e keni shumë gabim”, siç njofton Express i Prishtinës. Dhe për ta përforcuar këtë, ai thotë se xhihadi ka bërë luftë kundër “dyfytyrshëve, mynafikëve që kanë për qëllim ta kënaqin Amerikën”. Në videon e re xhihadisti ka edhe një porosi për një gjeneral amerikan të ushtrisë. “Allahu na e mundësoftë që ta zëmë gjeneralin e tija premë kokën. Është së bashku me ushtrinë e lirë dhe kanë bo strategji me e luftu davletin islam”. Mesa duket, ushtaraku i lartë amerikan është pranë formacioneve kryengritëse siriane që janë larg radikalëve islamikë dhe kjo nuk i pëlqen Lavdrimit. Nuk e dimë a i ka pëlqyer që po këta gjeneralë e kolegët e tyre dëbuan Milosheviçin nga atdheu i tij. Qeveria e Kosovës thuhet se po përgatit një legjislacion të rreptë ndaj kësi xhihadistëve.

Më shumë në linkun:

http://www.gazetaexpress.com/?cid=1,15,131571

a.k