Vitin që kaloi 1.800 shqiptarë kërkuan mbrojtje ndërkombëtare, si zgjedhje, Suedia, por askush nuk i studion këto shifra

Raporti i fundit i Frontex tregon se 719 shtetas shqiptarë kanë kërkuar mbrojtje ndërkombëtare në Suedi, 610 në Gjermani, 311 në Belgjikë, 77 në Zvicër dhe 52 shqiptarë kanë kërkuar strehë në Luksemburg. Raporti më i fundit i Varshavës daton më 16 tetor 2013 dhe merr në shqyrtim periudhën nga 2 në 29 shtator, duke krahasuar të dhënat e 9 muajve të parë të vitit të kaluar. Dokumenti iu paraqit Këshillit të BE-së në dhjetor nga Komisioni. Gjithësej numërohen 16.940 azilantë nga Ballkani gjatë 9 muajve të parë të 2013, shifër kjo pothuajse e ngjashme me vitin paraardhës, por Gjermania është marrë me 70% të kërkesave. Krahasuar me 2012 vlerësohet një rritje prej 80% të rasteve për Gjermaninë dhe Suedinë. Danimarka, Britania e Madhe dhe Holanda patën gjithashtu ndikime prej azilkërkuesve nga Ballkani, sipas raportit të siguruar nga TCH.

Vetëm nga Shqipëria 1.800 shqiptarë në një vit kërkuan mbrojtje ndërkombëtare! Një shifër që të bën të medosh, të ndash simulantët nga të vërtetët. Shqiptarët kanë synuar këtë vit Suedinë si zgjedhje të preferuar destinacioni (45%), por askush nuk i analizon këto shifra!

Zh.