Terror në mes të Tiranës, 3 të vrarë me armë zjarri

Tre persona mbetën të vdekur nga një shkembim zjarri që ndodhi rreth orës 19  në bulevardin Zogu i Parë në kryeqytet. Viktimat janë Besnik Sulku 34 vjeç, Gerti Goxha 33 Vjeç dhe Mentor Lufi 39 vjeç.

Sipas policisë, Mentor  Lufi së bashku  me  shtetasin  Gerti  Goxhaj  kanë qënë ulur  në një kafe  pranë Fakultetit  të Shkencave të Natyres. Jashtë kafes ishin duke pritur dy nipërit e Mentor Lufit. Pasi kane dalë nga kafja, shtetasi Mentor Lufi ka hipur në mjetin  tip BMË që drejtohej nga Gerti Goxhaj.

Pas tyre vinte mjeti tip Touareg në të cilën  udhëtonin  dy  nipat  e Mentor Lufit  Markeljan Doçi dhe Klevis Doçi.  Në momentin kur mjeti tip BMË ka nisur të lëvizë, dy persona qe ndodheshin ne trotuar  kane  qëlluar  në drejtim të  mjetit tip tip BMË. 

Në këtë moment janë kundërpërgjigjur me armë zjarri  dy nipat e Mentor Lufit  duke përplasur  me automjet edhe një nga autoret e  dyshuar, shtetasin  italian  Salvatore  LETTICIA , i cili është  fshehur  në një hotel  në afërsi  të zonës.Më pas Markeljan Doçi ka  qëlluar  Besnik Sulkun, i cili hapi zjarr i pari ndaj  xhaxhait të tyre dhe mikut të tij .

Policia tha se në pak minuta bëri të mundur kapjen Markeljan e Klevis Doçit si  dhe shtetasit italia të përfshirë në këtë ngjarje.  Viktimat dhe të arrestuarit janë skeduar nga policia si persona  me  preçedentë  kriminalë  në  fushën  e  Trafikut  ndërkombëtar  të  Lëndëve  narkotike.