Shkullaku shkruan në MAPO: Rama po bën fushatë me eshtrat e Boletinit

Më 10 qershor, pak përpara zgjedhjeve, eshtrat e Isa Boletinit do të nisin një udhëtim në trojet shqiptare për t’u prehur në Vlorë. Ky vendim ka shkaktuar trazim dhe përçarje në Kosovë, por në Shqipëri po shihet si një manovër elektorale. Të paktën kështu mendon Armand Shkullaku në shkrimin e radhës tek Mapo.“Qeveria e Kosovës u tërhoq. Ajo negocioi me familjarët për ta bërë të njëjtën ceremoni në Prizren, por ata nuk pranuan pasi vendi nuk kishte lidhje me Isë Boletinin. Atëherë dikujt i ra ndërmend Vlora dhe një rast i tillë nuk mund t’i shpëtonte Edi Ramës. Ai ka marrë menjëherë situatën në dorë, ka inskenuar udhëtimin e famshëm nga Mitrovica në Vlorë, i ka bërë vëllezër Isën dhe Ismail beun, ka vizatuar në mendje trupat e Gardës Kombëtare, himnin, flamurin, gjithçka…Një rast i përsosur për populizëm patriotik në mes të fushatës elektorale. Dhe një mundësi për t’u rishfaqur si baba i kombit që po i kryen amanetet e mëdha,” shkruan ai.

http://www.mapo.al/2015/05/eshtrat-e-isa-boletinit-ne-duart-e-edi-rames