Shkullaku: Lubonja nuk u kuptua, reagimi emocional është forma më e lartë e shprehjes që njohin

Armand Shkullaku në një shkrim të botuar sot nga gazeta “Mapo” me titull “Kë provokoi Fatos Lubonja”, është përpjekur të shpjegojë se Fatos Lubonja nuk kishte si qëllim të provokonte me shkrimin për Vaçe Zelën, por kërkon reflektim për figurën e saj.Shkullaku thotë se, “eseja e Lubonjës nuk kishte lidhje thjesht me këngëtaren e ndjerë, ajo ishte më shumë një përpjekje thuajse filozofike për të kuptuar histerinë aq shumë të sipërfaqshme që mbërthen shoqërinë shqiptare pikërisht në momentet kur i duhet të mendojë, gjykojë e vlerësojë”.Më tej, Shkullaku ngre disa pyetje mbi sistemin e kaluar: Si ka mundësi që ndodh kjo, është nostalgji për një jetë të shkuar, zhgënjim nga sistemi i sotëm, keqardhje për një ekzistencë të kaluar kot, apo çfarë? Si ka mundësi që një rast i tillë për të parë më mirë vetveten, kapërcehet nga protagonizmi se kush qan më shumë e kush thotë fjalë më të bukura për të ndjerën? Çfarë mund të thuash për një shoqëri që refuzon të thellohet mbi të kaluarën e saj dhe përfshihet nga ethet e garës së cekët për të thurur lavde e himne? …dhe sipas tij kur Lubonja fton për të gjetur përgjigje dhe reflektim, por mori vetëm shfryje dufi.“Çfarë zhgënjimi kur shikon se edhe pas traumës 50-vjeçare të izolimit, shoqëria shqiptare përsëri shkon drejt masakrimit të individit që është kundër rrymës, kërkon ta demaskojë, ta linçojë dhe jo ta kuptojë atë. Çfarë zhgënjimi kur përballesh me të vërtetën e tmerrshme se shqiptarët nuk kanë dalë ende prej gjendjes emotive, se ata mendimi dhe reflektimi i mundon dhe reagimi emocional është forma më e lartë e shprehjes që njohin.” Shkrimi i plotë: http://mapo.al/2014/02/21/ke-provokoi-fatos-lubonja/S.S