Shkrimi “kundër rrymës” i Lubonjës vijon të ngjallë reagime, artistët ndjehen të provokuar me frazën “debilizëm masiv"
Vendimi i analistit Fatos Lubonja për të dalë “kundër rrymës” përmes një analize ku e cilësonte si “debilizëm masiv” manifestimin publik e kolektiv të përjetimeve për ndarjen nga jeta të këngëtares Vaçe Zela, ka provokuar artistët vendas. Edhe pse analiza e Lubonjës ishte më e thellë, ku analizohej në një kontekst më të gjerë roli i artistit në ndërtimin e “njeriut të ri”, artistët janë ndalur kryesisht te fraza “debilizëm masiv”, duke mos marrë në analizë argumentet dhe logjikën që parashtrohej në shkrim.
Reagimi më i ashpër deri më tani është ai i këngëtares Aurela Gaçe, e cila “Letrës nga ferri” të Lubonjës, i është kundërpërgjigjur me një letër publike, duke e krahasuar atë me një personazh po nga ferri, me Hitlerin. Në letrën e saj, të botuar në shtypin shqiptar, krahas një fotoje me këngëtaren e ndjerë Vaçe Zela, Aurela Gaçe nuk ka kursyer as “këshillat” për analistin, të cilin e fton drejt një fundi të ngjashëm me atë me të cilin e krahason.
Por letra publike e Gaçes duket se ka “hapur derën” për kundër-reagime të tjera ndaj analistit. Edhe një artist tjetër, aktor i humorit, Julian Deda ka reaguar me seriozitet ndaj shkrimit të analistit, duke dhënë edhe ai “këshillën” e tij.
“A e morët vesh more miq çfare ka bërë analisti F. L. ...pjesmarrjen masive në funeralin e të ndjerës Vaçe Zela e ka quajtur "debilizëm masiv" . Me pak fjalë, sipas F. L. të gjithë ne që morëm pjesë në ato homazhe jemi debilë dhe bëmë një debilizëm..! Përveç mendimit që ke ti për Vaçe Zelën si këngëtare, i cili është i joti, subjektiv dhe ndoshta nuk më takon ta gjykoj, nuk mund të mos reagojmë mbasi ti zotri na quan debilë që bëjmë debilizma. Unë mendoj që debilizmi më i madh që kemi bërë është që të kemi dëgjuar nëpër emisione duke broçkullisur debilizma të llojeve të ndryshme. Kush kujton se je ti, që quan një masë të madhe shqiptarësh, që respektuan punën dhe zërin e Vaçes, debile? Kështu i dashur F. L. unë kam vetëm një këshillë për ty o i madhi i të mëdhenjve, që edhe Sokrati do ndjehej inferior ndaj teje...lëri debilizmat dhe shijo lirinë..!" shkruan aktori në profilin e tij në Facebook.
Më herët, edhe shkrimtari dhe poeti Sadik Bejko, ish-redaktori letrar i Festivalit të 11-të, ka reaguar kundër Fatos Lubonjës për shkrimin e tij kundër nderimit që iu bë ditët e fundit artistes së madhe Vaçe Zela. Në një intervistë të datës 16 shkurt në gazetën “Dita” Bejko shprehet se “Lubonja si gjithmonë do të gjejë rast që bëjë kundrapedalin”.
Mbetet për t’u parë nëse Lubonja do të vendosë të reagojë ndaj këtyre kritikave përmes “dritares” së tij në shtypin shqiptar, megjithatë mund të thuhet se shkrimi i tij e ka arritur qëllimin; atë qëllim që ka çdo shkrim “kundër rrymës”.
k.k
Comments
Sipas llogjikës te ketij
<p>Sipas llogjikës te ketij "kompetenti universal" qe bredh gjithe diten nga njeri panel ne tjetrin dhe na "çan .....thën) qe nga vleresimi i Skenderbeut deri te Vaçe Zela,qe nga Centrali berthamor e deri te armet kimike,u dashka te çvleresohen te gjithe kolloset boteror te: artit,te letersise,te shkences etj. qe kane lulezuar ne epokat e rregjimeve diktatoriale antipopullore,duhet te çvleresohet dhe te mos nderohet as Galileo Galilei sepse ju nenshtrua gjyqit te inkuizicionit ne Rome duke mohuar edhe zbulimet e tij madheshtore per njerezimin qysh rreth 400 vjete me pare. Kolloset e artit,te letersise,te shkences etj. duke perfshire edhe te madhen Vaçe Zela jane si dreret e malit, ndersa pseudokritiket e tyre si mizat ne bajgen e gomarit.</p><p> </p>
Më pëlqeu mendimi se shkrimi
<p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;">Më pëlqeu mendimi se shkrimi i Fatosit e ka arritur qëllimin, atë qëllim që ka çdo shkrim “kundër rrymës”, por në sensin që Fatosi me lajthitjen e tij ndaj simbolit të muzikës shqiptare Vaçe Zela nxiti impulsin pozitiv të shqiptarëve për rritjen e vetëdijes dhe respektit për vlerat e tyre kombëtare. Pra kemi një ballafaqim të perceptimit e shijes relative: Fatosi sheh shtrembër dhe pëlqen ferrat, të shumtit e shqiptarëve shohin drejt dhe pëlqejnë lulet. Nga përqindjet e opinioneve zbulohet edhe paradoksi i mospërputhjes së shijes së shumicës me preferencat e disa distributorëve për mallin që shesin.<o:p></o:p></p><p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;">Shumica e analizojnë Fatosin si produkt kallp i një patente anonime, i cili prodhohet ‘’atje’’ për tu shitur në pazarin ‘’këtu’’ por disa media nuk pyesin fare cili është blerësi (teleshikuesi, lexuesi) dhe ku shfaqet interesi i tyre.</p><p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;">Këta shitës janë “kundra rryme” me logjikën e ekonomisë së tregut ose nga padia, ose nga ‘’djallëzia’’e motos ta hajë kush të dojë, veç paraja të qarkullojë.</p><p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;">Pra filan-fisteku qelbërisa tregton, por horrat nuk pyesin si, por sa fiton.</p><p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;">Dikur i kam shkruajtur një sivëllai të Tosit: <o:p></o:p></p><p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;">Në botën e tregut plot me mrekullira<o:p></o:p></p><p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;">Shitet bashkërisht ‘’e keqja-e mira”<o:p></o:p></p><p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;">Për vepra pa vlerë ka veç lepe-peqe<o:p></o:p></p><p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;">Jepma lale “veprën”, për me mshtjell byreqe.</p><p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;">(Por hoqa picirin e nuk m'u botua sagllam Fjala e Lire sikurse sivellait te Fatosit, sepse une paskisha qene "heretik" , "kunder rryme") </p><p style="margin: 4.8pt 0in 6pt; line-height: 13.05pt; background-position: initial initial; background-repeat: initial initial;"><o:p></o:p></p>
Add new comment