SHBA i jep azil politik ish-shefit të Shtabit të Përgjithshëm të ushtrisë Luan Hoxha

Ish-shefi i Shtabit të Përgjithshëm të ushtrisë shqiptare, Luan Hoxha ka fituar statusin e azilantit politik në Shtetet e Bashkuara të Amerikës. Avokati i tij, Ibrahim Lahi, i intervistuar nga Top-Channel, konfirmon një lajm të tillë, i cili lidhet me një nga personat e lidhur me përgjegjësi institucionale me ngjarjen e Gërdecit. Madje Hoxha është dënuar nga Gjykata e Apelit me 5 vjet burg për shpërdorim detyre, pa harruar faktin që ai është zyrtarisht një person në kërkim. “Interpoli mund ta ketë në kërkim, klienti im, Luan Hoxha e ka marrë statusin e azilantit politik në SHBA, çka do të thotë që edhe ata kur i kanë dhënë këtë status, kanë gjykuar për mënyrën e procedimit dhe dënimit të tij", tha Lahi. Nuk mund të mos bjerë në sy fakti se ndërsa ndaj Shqipërisë apelohet për reformë në Drejtësi dhe luftë ndaj korrupsionit, përfitimi i këtij statusi nga ana e Hoxhës, në praktikë e pezullon gjykimin e tij. Nga ana tjetër Lahi ka shtuar se për çështjen e dosjes gjyqësore të Gërdecit, klienti i tij ka bërë kërkesë në Gjykatën Kushtetuese. Më shumë në: http://www.top-channel.tv/artikull.php?id=269544&ref=fp

s.z