Shënim: Dy modele të kundërta udhëheqësish çamë

Gazeta Dita njofton se mbrëmë ka patur një duel në distancë mes dy udhëheqësve të partive çame në qytetin e Fierit. Ndërkohë që udhëheqësi i PDIU-së, Shpëtim Idrizi, po prezantonte kandidatët e partisë së tij në qarkun e Fierit, udhëheqësi i Aleancës Popullore të Lëvizjes Çame, Artur Dojaka, prezantoi kandidatët e përtisë së tij në këtë qark.

Por situata ishte ironike për Idrizin, sepse ai prezantoi kandiatët e partisë tij në Fier, ndërkohë që vetë është në një vend të sigurtë në listën e kandidatëve të PD-së në këtë qark. Nga ana tjetër, Dojaka nuk e ka futur emrin e tij në asnjë listë kandidatësh, në asnjë prej qarqeve, por vetëm po mbështet kandidatët e partisë së tij, duke fushatuar ngado për ta.

Këtë situatë ironike e theksoi kryesuesi i kandidatëve për Aleancën Popullore në Fier, Nimet Musaj, i cili tha gjatë prezantimit të tij: “Aktualisht Shpëtim Idrizi, de jure dhe de fakto, është pjesë e PD-së dhe jo e PDIU-së. Kuptohet që vendosja në listën e PD-së tregon se edhe ai vetë e di që komuniteti çam nuk e voton më”

Kandidati Musaj ka qenë kandidati i komunitetit çam në qarkun e Fierit në vitin 2009, kur mori rreth 4700 vota në atë qark.

E.Zaloshnja

Në foto: Dojaka në qendër dhe Musaj djathtas.