Procedohet djali i Spartak Brahos, kalon dy semaforë me të kuqe dhe i ikën policisë. 33-vjeçari mban postin e nënkryetarit të Bashkisë së Durrësit

Djali i deputetit të LSI-së, njëherësh edhe kryetar i Komisionit të Sigurisë Spartak Braho është proceduar penalisht në gjendje të lirë për mosbindje të urdhrave të policisë rrugore. Arbër Braho, i cili mësohet se është edhe nënkryetar i bashkisë së Durrësit pasi ka kaluar dy semaforë me të kuq në bulevardin Dëshmorët e Kombit është vënë në ndjekje të policisë së kryeqytetit, e cila i ka dorëzuar fletën e gjobës, por ky i fundit është larguar duke u lënë efektivëve dokumentacionin e makinës.Pas kësaj ai është proceduar penalisht në Komisariatin numër 2 në kryeqytet. Kjo nuk është hera e parë që persona me pushtet nuk respektojnë rregullat e qarkullimit. Pak ditë më parë një video e shpërndarë në rrjetet sociale tregonte se eskorta e ministres së Mbrojtjes Mimi Kodheli kishte kaluar semaforin e kuq në një rrugë qëndrore të kryeqytetit.

l.m