Petersen për gazetën “Zëri”: Jam i zhgënjyer me lidershipin e Kosovës, nuk ka krijuar një ambient shpresëdhënëse për popullin e saj

“Largimi i mijëra kosovarëve drejt vendeve të Evropës ishte përgjigjja me qartë se klasa politike kosovare në shtatë vjetët pas pavarësisë ka dështuar të krijojë një ambient të sigurt dhe shpresëdhënëse për popullin e saj”. Kështu ka deklaruar ish-shefi i UNMIK-ut për periudhën qershor 2004 – qershor 2006, danezi Soren Jessen-Petersen. Në intervistën ekskluzive dhënë “Zërit”, Petersen i piketon disa nga sektorët kyçë, ku Kosova ka stanjuar gjatë shtatë vjetëve të pavarësisë, përfshirë dështimin në ekonomi, arsim, në luftën kundër korrupsionit dhe krimit të organizuar e mbi të gjitha nuk ka arritur të krijojë “shpresë tek populli për vendin”.