Nishani me "strukturat paralele”: Hetim të shpejtë për shqiptarët në Siri
Presidenti i Republikës, Bujar Nishani siç dhe kishte paralajmëruar ka zhvilluar sot një takim me Kryetarin e SHISH-it dhe Prokurorin e Krimeve të Rënda.
Në njoftimin për shtyp thuhet se, “qëllimi i këtij takimi ishte informimi mbi goditjen dhe parandalimin e veprimtarisë së grupeve radikale për dërgimin e qytetarëve shqiptarë në luftën në Siri”.
Më tej thuhet se, “Nishani u informua për iniciativat ligjore që po ndërmerren në mënyrë që në të ardhmen ky fenomen të jetë i ekspozuar ligjërisht në ndihmë të Sigurisë Kombëtare të vendit”.
Presidenti ka kërkuar “shpejtësi dhe cilësi në hetim dhe bashkëpunim të ngushtë me partnerët” dhe nga ana tjetër ka vlerësuar punën e kryer deri më tani nga organet kompetente ndaj fenomeneve që lidhen me organizimin, financimin dhe dërgimin e shtetasve shqiptarë për të luftuar në Siri.
Në këtë takim nuk ishin ftuar përfaqësues të Policisë së Shtetit dhe Ministrisë së Brendshme. Një takim i kësaj natyre vjen në një kohë kur mes presidentit dhe qeverisë ka një debat të hapur lidhur me sigurinë në vend si dhe për punën e kryer nga institucionet përkatëse që kanë përgjegjësi për këtë çështje.
S.S
Comments
Ky asht rezutati i
<p>Ky asht rezutati i muslimanizimt te shqiptarve. Le ta gjene vete muslimant se kush asht ne gjinin e tyne terrorist e kush jo.</p>
Add new comment