Ngjela, Zogaj apo Kurt Kola, janë testi i Rilindjes së Ramës, shkruan Çili

Në një editorial te Mapo, H. Çili ngre pikëpyetjen e integrimit të disa figurave “problematike” si Ngjela, Zogaj apo Kurt Kola, në Rilindjen (që Çili e quan ‘të Edi Ramës’).

Pyetja e Çilit merr legjitimitet për faktin se ata “kanë qenë përherë problematikë për politikën shqiptare të majtë dhe të djathtë, por brilant për të shprehur interesin publik apo sensin e historisë së tranzicionit shqiptar” duke I konsideruar se “kanë qenë përherë deri të padurueshëm për lidershipin e të majtës  apo të së djathtës, por përherë me mendimin dhe idetë e tyre pa pyetur për kufij dhe barriera partiake. Kanë qenë gjithnjë të sikletshëm për koalicionet e së majtës apo të djathtës në pushtet apo në opozitë, por përherë me guxim për të bërë aleancë me të vërtetën dhe të dobishmen, me shoqërinë.” Çili pyet “A do t’i pranojë “Rilindja” e Edi Ramës dot individualitete  të tilla “tradhtare” të kampeve të tyre politike, por gjithnjë besnikë të ideve të tyre?”

Duke hedhur dyshimn se Rilindja mund të jetë vetëm socialiste, Çili konkludon se “Këta tre emra janë fija e fundit ku mbahet një farë përpjekje e Edi Ramës për t’u projektuar përtej krahut të vet politik, për t’u projektuar përtej gardhit të një pale politike, përpjekja e Edi Ramës për të projektuar në shoqërinë shqiptare një qasje ndaj së vërtetës, ndaj sistemit demokratik, ndaj interesit publik përtej interesit socialist.”

k.c.