Ngjarjet ndjekin skenarin e njoftuar qysh më parë: Meta i thotë “po” kërkesës së socialistëve
Skenari ish shkruar dhe njoftuar: Do të dilte fillimisht Rama për t’i kërkuar LSI-së bashkëpunim, dhe të nesërmen do të dilte Meta që t’i thosh “po” kërkesës së socialistëve. Dhe Meta e mori sot vendimin, të cilin më pas ua bëri të njohur gazetarëve në një konferencë për shtypin: “LSI, duke vlerësuar domosdoshmërinë e një ekuilibri të ri politik dhe të një ekuilibri të ri pushtetesh që do forconin stabilitetin afatgjatë në jetën ekonomike, politike e sociale të vendit dhe do përmbushnin më mirë nevojën e domosdoshme të një ritmi të ri të reformave dhe procesit të integrimit evropian, ka vendosur të pranojë ftesën e kryesisë së PS-së për koalicion parazgjedhor me të”.
I ka mëshuar nevojës për një ekulibër të ri politik, gjë që e përsëriti dy herë: “[aleanca me PS-në është] e vetmja rrugë politike që mund të sjellë atë ekuilibër të ri në ndarjen e pushteteve, për të cilin ka nevojë forcimi i stabilitetit dhe përshpejtimi i integrimit evropian”.
Meta i kërkoi publikisht Ramës që të miratojnë tre ligjet “e famshme” dhe la të kuptohet se koalicioni do jetë parazgjedhor.
Re.Pu.
Comments
Meta (kuleta) gjithe kohes
<p>Meta (kuleta) gjithe kohes rri ne uren e vaporit dhe ka harruar te zbrese ne hambar...</p><p>E degjova deklaraten dhe lote me shkuan ...nga te qeshurat.</p><p>Kam shkeputur ca fjali '' me 21 Janarin te merren arkeologet '' (?!)," Ps-se po i sjellim 12o mije vota" (?!), "Tre ligjet nuk jane kusht per bashkepunim por kerkese"(?!)... e te tjera... Pra me fjale te miat ' ejani tani se ne nje trap kemi hipur '...</p><p>Sot ky burre trashaluq mu duk sikur po hante nga pjata e femijeve te mi!</p><p>Edhe ti edhe Rama ja hodhet bythes.</p>
Add new comment