Nëse Ilir Meta po e mendon një projekt pas 2013-s, atëherë ka vetëm një zgjedhje, “me PD”, sipas Shkullakut

Në një shkrim te MAPO, Armand Shkullaku analizon të ardhmen e Metës në bazë të vendimit që do të marrë ai për këto zgjedhje. Madje ky vendim po kushtëzon dhe fushatën e PS e PD, pasi “Ditët numërohen me gishta dhe vendimi i LSI-së po kushtëzon deri diku edhe sjelljen e dy partive kryesore në këtë pragfushatë.”

Shkullaku nuk ngurron ta quajë “ofertë” (fjalë delikate në vend të “pazar”) zgjedhjen që duhet të bëjë LSI dhe shkruan se:

“Në varësi të ofertës Berisha-Rama, do të lëvizte edhe pozicionimi i Metës. Në këtë rast, vendimmarrja e LSI-së do të vinte si rrjedhojë e negociatave me të dyja palët, ku prioritet do të kishte oferta më e lartë. Në pamje të parë kjo llogaritje (duke e harruar njëherë e mirë moralin politik për të gjitha palët) duket normale dhe si rezultat do të kishim një qeveri të re Berisha ose Rama me një LSI më të fuqishme brenda saj. Në këtë logjikë, çdo hamendësim për dilemën se nga do të shkojë LSI do të ishte i thjeshtë. Ajo do të shkonte me atë që i ofron më shumë.”

Shkullaku argumenton se projekti përtej 2013-s, ka vetëm një emër: PD, dhe se “Ai vetë me siguri e ka marrë ndërkohë vendimin. Mosshpallja e tij, më shumë sesa shenjë hezitimi, është një lloj shijimi i fërkimit nga të dy krahët dhe sigurisht i të qenit në qendër të vëmendjes. Pra, vetëm çështje kohe.”

I plotë:

http://www.mapo.al/2013/03/14/meta-nje-vendim-pertej-vitit-2013/

fotomontazhi: galeria shqiptare