Nëntëdhjetë e shtatë përqind???

Në një e-mail të shpërndarë nga adresa zyrtare e Këshillit të Ministrave, rikthehet pretendimi se 97% e shqiptarëve përfitojnë nga “taksimi I ndershëm”. E-maili fillon me frazën: “Në këtë filim muaji, 97% e qytetarëve shqiptarë prekën përfitimin nga sistemi i ri fiskal, taksimi i ndershëm”. Ky pretendim ishte prominent në fillimet e prezantimit të paketës së re fiskale në nëntorin e kaluar, por u ndryshua pas një sërë sfidash që iu bënë në media dhe parlament. U kalua nga 97% e shqiptarëve, në 97% të të punësuarve.

Por sa shqiptarë kanë përfituar realisht nga “taksimi I ndershëm”? Duke presupozuar se rritja e taksës së karburanteve etj. nuk kanë ndikuar në xhepat e shqiptarëve (një presupozim jorealist ky), I bie që nga “taksimi I ndershëm” të kenë përfituar të punësuarit që e kanë pagën mujore 300-1300 mijë lekë të vjetra. Këta punonjës, sipas një prezantimi nga Arben Ahmetajt në dhjetor, kapin shifrën 200 mijë. Ndërsa sipas shifrave të fundit të INSTAT-it, numri total I të punësuarve (përfshirë gjysëm million të vetëpunësuar në bujqësi) arrin shifrën 940 mijë. Pra vetëm 20% i të punësuarve kanë përfituar nga “taksimi I ndershëm”, duke presupozuar se rritja e taksës së karburanteve etj. nuk kanë ndikuar për keq në xhepat e tyre…

E.Zaloshnja