Në Turqi dënohen me burg intelektualët me akuzën për blasfemi

“Të përqeshësh një udhëheqës arab [është fjala për Muhametin, profetin e myslimanëve. Re.Pu.], që qindra vjet më parë ka pretenduar se ka kontaktuar privatisht me Allahun, dhe se prej këtyre kontakteve ai ka patur përfitime politike, financiare e seksuale nuk është një diskurs që ka të bëjë me urrejtjen. Përkundrazi, është një test i lirisë së shprehjes që duhet bërë në shkollat fillore”.

Këtë tekst e ka shkruar në blogun e vet gazetari turk me origjinë armene, Sevan Nisanyan, dhe për këtë shkak është dënuar me një vit burg. Akuza: “Ka krye blasfemí; ka fyer publikisht vlerat fetare të një pjese të popullsisë”.

Pak javë më parë e njëjta gjë ndodhi me pianistin turk me famë botërore, Fazil Say, të cilin në Gjermani e konsiderojnë si Mozartin turk (shiheni në foto). Ai ka bërë ironi me fenë myslimane në profilin e tij në twitter. Në një tweet ndihet i frymëzuar nga poeti persian i shekullit të XI-XII, Omar Kajam. Dhe shkruan: “Në parajsë do të kemi lumenj me verë? Dhe virgjëresha? Po pse, ç’është parajsa? Një mejhane qiellore? Apo një bordello qiellore?”

E kanë dënuar me dhjetë muaj. Kohë të vështira për intelektualët laikë që nuk mbështesin partinë e Erdoganit në Turqi.

Re.Pu.