Koha Jonë sheh një konspiracion tek interpelanca që LSI i kërkoi qeverisë

Kërkesa urgjente për interpelancë që kryetari i grupit parlamentar të LSI Petrit Vasili bëri për ministrin e Jashtëm, Ditmir Bushati në lidhje me çështjen e lumit Radika në Maqedoni, ka shtënë në dyshime gazetën Koha Jonë. Në një koment në sajtin e gazetës së Nikollë Lesit, termi i përdorur nga Vasili për “mungesë transparence” nga Qeveria, aq më shumë kur menjëherë ka dalë edhe PD në një kërkesë të ngjashme, fsheh nga prapa diçka më të madhe. Ja ç’thotë Koha: “Shumë hamendësojnë se është një kartë presioni nga LSI për Edi Ramën, por për çfarë flitet konkretisht nuk thuhet. A mos ardhja e PDIU-së Shpëtim Idrizit në Qeveri, siç thuhet se po luhet në prapaskenë si presion ndaj Metës, ka shkaktuar zemërimin e LSI-së?! Apo luhet diçka tjetër që duhet të presim se si do të luhet loja e “pokerit” të LSI që sapo ka filluar! Interesant mbetet fakti që Ilir Meta ndodhet këto ditë në Marsejë të Francës në takim ndërkombëtar dhe zakonisht kur ai është jashtë shtetit LSI bën ndonjë lëvizje të beftë presioni!”

a.k