Këshilltari i Metës i përgjigjet "Rlindjes Demokratike": Prokurimi për ashensorin në kryesinë e kuvendit, Meta s’ka nevojë, po punon për reduktimin e peshës

Këshilltari i kryetarit të Kuvendit, Ilir Meta i ka kthyer përgjigje gazetës Rilindja Demokratike, lidhur me një lajm të publikuar prej saj se Kuvendi i Shqipërisë ka hapur proceduarat për zëvendësimin e një ashensori që të ccon nga kati i parë në katin e dytë.  Këshilltari i tij, Emiljano Aleksi sqaron se Ashensori do të vendoset në pjesën e godinës së Kryesisë së Kuvendit ku janë të vendosura zyrat e deputeteve. Sipas tij qëllimi i vendosjes së këtij ashensori është zbatimi i legjislacionit në fuqi për krijimin e të gjitha kushteve të përshtatshme për aksesushmërinë e personave me aftësi të kufizuara të cilët zhvillojnë takime me të zgjedhurit e tyre, apo  mund të jenë pjesëmarrës ne mbledhjet e Komisioneve të Kuvendit. Ai thotë se  prokurimi i shpallur nga Kuvendi për këtë ashensor nuk ka asnjë lidhje me ambientet që janë në funksion të Kryetarit të Kuvendit. Për më tepër sipas tij kryetari i Kuvendit ka ende objektiva për të arritur në reduktimin e peshës dhe nuk preferon përdorimin e ashensorit.

l.m