Hapat e parë, Rama: Meta, kryetar Parlamenti; Berisha: Në krye të PD-së, ai që ka ambicie pozitive

Sot në mesditë janë bërë hapat e parë, qoftë nga fituesit për administrimin e fitores, qoftë nga opozitarët e rinj për të administruar humbjen duke u riorganizuar.

Kryetari i Partisë Socialiste, Edi Rama, dhe kreu i Lëvizjes Socialiste për Integrim, Ilir Meta, janë takuar në hotel “Sheraton” për të diskutuar në lidhje me formimin e qeverisë së re.

Ky është takimi i parë që pas fitores së zgjedhjeve, ku e majta mori 84 mandate. Takimi i zhvilluar sot në mesditë në hotel “Sheraton” ka zgjatur rreth 1 orë. Mësohet se gjatë takimit është rënë dakord që Ilir Meta të drejtojë Kuvendin e ardhshëm.

Nga ana tjetër Berisha ka dalë sot para deputetëve dhe kryesisë së Partisë së tij për zgjedhjen e liderit të ri të PD-së pas humbjes së zgjedhjeve të 23 qershorit, proces që, sicc tha, do ta drejtojë vetë. Në këtë kontekst ai la të kuptohej se kryetari i ri nuk mund të zgjidhet nga kongresi i partisë, por nga një anëtar një votë.

“Në krye të PD-së do të jetë ai që ka ambicie positive”, ka thënë Berisha, duke hapur në këtë mënyrë garën.

Zh.