E. Zaloshnja i përgjigjet lexuesit “rrem vogli, katunar pri Rashbulle”

Në një koment rreth shënimit tim “Që PS-ja të fitojë kundër Metës, e jo me Metën” lexuesi i identifikuar si “rrem vogli, katunar pri Rashbulle” kritkon referimin që i bëj shifrave zyrtare të votimit të 2009-ës. Sipas tij, “ato jane shifra te rreme sepse Saliu beri kerdine  ne vota duke vjedhur si hajdut pulash” Këtë kritikë ma kanë bërë shpesh edhe të tjerë (publikisht e privatisht). Por, në fakt, referimi që u bëj shifrave zyrtare të votimit të 2009-ës, nuk presupozon se ato janë të pamanipuluara. Thjesht ato më shërbejnë si piknisje për të llogaritur se sa duhet të ndryshojnë numrat, që të ketë ndryshim të mandateve në kuvend. Ndryshimi për opozitën mund të vijë duke mos lejuar vjedhje/manipulim të votave dhe/ose duke shtuar realisht numrin e votuesve në krahasim me kundërshtarin.