Dorëheqja e drejtoreshës së Hipotekave Tiranë, pasojë e presionit të mafies të pronave, shkruan gazeta Sot

Dorëheqja e drejtoreshës së hipotekave në Tiranë, Suada Bicaj, e propozuar vetëm disa muaj më parë në krye të Zyrës Qendrore të Regjistrimit të Pasurive të Paluajtshme në kryeqytet, ka ardhur si pasojë e presionit të mafies së pronave në Tiranë, shkruan gazeta Sot. Përveç kësaj, Bicaj ka patur mosmarrëveshje të vazhdueshme me kryeregjistruesin e përgjithshëm. Ajo nuk u ka rezistuar dot ndërhyrjeve dhe kërcënimeve. Konflikti dhe vala e presioneve ka ardhur menjëherë pasi drejtoresha e hipotekave ka ngritur një grup pune të brendshëm për dosjet e trojeve në Tiranë. Por hetimi i titujve të pronësisë që janë pajisur pronarët e objekteve në kryeqytet ka tronditur “peshkaqenët” e pronave, dhe sipas Sot, ka nisur një ofensivë presionesh dhe kërcënimesh ndaj drejtoreshës. Drejtoresha e hipotekave në Tiranë është tërhequr nga hetimi, ndërsa ka vënë në lëvizje Njësinë Antikorrupsion të Kryeministrisë. “Por, ndërhyrja e Njësisë Antikorrupsion të Ministrave vetëm sa e ka përshkallëzuar më tej konfliktin, duke rrezikuar edhe përvijimin e një përplasje brenda koalicionit. Ndërkaq, në lojë ka hyrë edhe Ministria e Drejtësisë, nga e cila varet Zyra e Regjistrimit të Pasurive të Paluajtshme në Tiranë. Përplasje për dosjet e trojeve është kulmuar me dorëheqjen e drejtoreshës së Hipotekave”, shkruan gazeta.

Gjeni më shumë në linkun http://www.sot.com.al/politike/jep-dor%C3%ABheqjen-drejtoresha-e-hipotekave-n%C3%AB-tiran%C3%AB-pas-presionit-t%C3%AB-mafies-s%C3%AB-pronave-tentoi#sthash.YBgR8FBX.dpuf

a.k