Burrelsi që hodhi gurë-lule mbi Kryeministrin, “isha i dehur”. Braçe: “kur kalojnë nga duart e policisë, dehen!"

Mediat sot më në fund arrijnë të vënë kontakt me 53-vjeçarin Petrit Hoxha, i cili akuzohet se qëlloi me gurë në drejtim të makinës së kryeministrit Berisha, gjatë mitingut të së premtes në Burrel. Më parë policia kish deklaruar se kish qëlluar me lule (a mban kush përgjegjësi për mashtrimin zyrtar?). e vetmja gjë që Hoxha thuhet në media ka deklaruar se është penduar për veprimin e bërë dhe se e ka kryer nën efektin e alkoolit! Mediat, patën raportuar se ai ishte keqtrajtuar nga rojet e Kryeministrit, e më vonë u dyshua se i njëjti fat e kish gjetur edhe në rajonin e policisë.

Në një koment në FB, Braçe akuzon se ata që sulmojnë kryeministrin dalin “të dehur” pasi kalojnë në duart e policisë:

 “Zbardhet misteri. Pas 48 orësh në polici, flet burrelsi që sulmoi Berishën: Isha i dehur, do të votoj Berishën! Një pyetje kam: Ky është i katërti apo i pesti sulm ndaj Berishës; përse të gjithë të dehurit sulmojnë Berishën? Mos vallë kur sulmojnë janë esëll dhe kur kalojnë nga duart e policisë, dehen?”, shkruan Braçe.

k.c.