Boris Becker: Tradhtova gruan dhe ajo më rrahu

Boris Becker është rrahur nga ish-bashkëshortja Barbara Feltus, kur ajo ka mësuar se ai e tradhtonte me kamarieren Angela Ermakova. Ndodhia është bërë publike nga vetë Becker në autobiografinë e tij “Jeta nuk është një lojë”, i cili do të publikohet javën e ardhshme. 

“Nuk kishim më objektiva të njëjtë, asnjë bazë, për erotizmin dhe seksin nuk dua as të nis të flasë. Jetonim bashkë, por ishim bërë dy të huaj për njëri-tjetrin. Kur zbuloi se e tradhtoja nisi të më ulërasë dhe papritur m'u hodh sipër dhe nisi të më godasë me forcë. Im bir Noah u fut mes nesh për të penguar që e ëma t'i godiste të atin. Ia vendosa duart pas shpine, e ajo nisi të hedhë shkelma si e çmendur””, shkruan tenisti i famshëm.

Megjithatë Becker nuk mohon të ketë një pjesë faji në gjithë atë histori: “Tradhtova gruan time, ku ajo ishte shtatzënë, pata një vajzë të paligjshme dhe për shumë kohë fsheha të vërtetën. Nuk ka asnjë dyshim, që jam treguar idiot”.