Berisha thotë se ka bërë mijra km rrugë. Quiz: Pse vallë e ka pasur pas liste rrugën e Beratit?

Rruga nga Lushnja për “në qytetin 2 500 vjeçar” (kështu e ka quajtur sot Berisha Beratin), është një nga rrugët më të këqija nacionale të vendit. Ngjan si pas një lufte. Berisha ka thënë se ka bërë me mijra kilometra rrugë që të çojnë në fshatrat më të largët, por këtë rrugë 40 km të gjatë që të çon në qytetin ndoshta më të bukur shqiptar e ka lënë të paprekur. Nuk mbahet mend as që ta ketë zënë n’goje. Një dreq e di se pse.

Por papritur, një javë para zgjedhjeve, është bërë i gjallë: “Berati do të ketë komunikim nga të gjitha anët. Në radhë të parë, këtë e meritojnë qytetarët, por edhe Berati, ky qytet 2500 vjeçar që ka ardhur kaq madhështor, nuk mund të jetë kurrë xhep. Ata para nesh ruajtën kodikët, ruajtën Beratin, ne tani i japim Beratit infrastrukturën e këtij shekulli.”

M.N.