Berisha ka liçencë për të traumatizuar vendin pa u lagur, thotë Arben Meçaj për Ditën

Arben Meçaj, me profesion inxhinier e pedagog, një nga themeluesit e PD-së, ka dhënë një intervistë të zgjeruar për Habjon Hasanin e gazetës Dita, ku ka skanuar situatën politike e ekonomike të vendit nën dritën e veprimeve e mosveprimeve të Sali Berishës. Për Meçajn, ish kryeministrit i është lënë patenta për të shkaktuar tension dhe probleme, duke gëzuar njëherësh pandëshkueshmërinë. Dy vitet e fundit në pushtet, ai kreu një rrethim institucional ndaj mazhorancës së ardhshme, ndërkohë që “skenari grek” i projektuar nga Berisha në fushën e ekonomisë, u shmang nga Edi Rama që kërkoi angazhimin e FMN-së. Meçaj analizon edhe nismën e Berishës për protestë më 20 Shkurt dhe përse ai ka nevojë të demonstrojë forcë në këto momente. Ja si e zbërthen Meçaj “liçencën” e Berishës për tensione: “Berisha aktualisht ka patentën e pandëshkueshmërisë dhe licencën për të mbajtur shoqërinë nën tension. Në parlament, ai ka të drejtë ekskluzive, ta dominojë sallën, ka të drejtë ekskluzive, të mbajë nën kontroll formal çdo deputet, ministër. Në opinion ai ka të drejtë të transmetojë legjitimitetin e informacionit të klasifikuar ose jo, të sekreteve shtetërore, aksioneve të policisë, krimit të organizuar etj. Tek militantët e vetë ai është mesia, ai është Zoti, ai është pushteti, e në popull ai është frika për të sotmen dhe të nesërmen e sigurt. Tek biznesmenët dhe investitorët ai është destabiliteti, pasiguria. Përballë, një shteti të dobët, të pasigurt dhe të pavendosur , po, Berisha dhe për mua shfaqet fiks i tillë. E kjo nuk është e drejtë, pas 23 vitesh demokraci zhgënjyese…”.

Lexoni më gjatë në linkun: http://gazetadita.al/20-shkurt-proteste-berisha-bijte-meritojne-fatin-e-eterve-te-tyre-barbare/

a.k