Berisha i dëshpëruar? Me sa duket po, përderisa po i shtrin dorën për koalicion edhe Topit

Dëshpërimi i Kryeministrit ka bërë që ai të kërkojë aleancë parazgjedhore me “horrin e bulevardit”, Bamir Topin, i cili nga ana e vet e pati quajtur "të çekuilibruar mendor". Këtë njoftim e jep sot Shqiptarja.com, e cila i referohet mbledhjes së mbrëmshme të Kryesisë së PD, ku mësohet që Kryeministri u ka thënë të vetëve “të reshtin deklaratat kudër Topit, pasi do të dërgohet ftesë në drejtim të tij për aleancë parazgjedhore, e qëdo të mbetet në dorën e tij të vendosë më pas nëse e pranon ose jo.” Kryeministri, thotë Shqiptarja.com u ka kërkuar të vetëve të pushojnë menjëherë të tëra sulmet, deklaratat, akuzat e ngacmimet kundër FRD-së, madje edhe kundër partisë së Vangjel Dules. Nëse në rastin e fundit kjo është pranuar pa zë nga anëtarët e Kryesisë, pajtimi me Topin pas gjtihë atyre që kanë nxjerrë nga goja kundër tij, nuk ka kaluar pa mërmërima pakënaqësie. Mërmërima, që Berisha i shoi duke u kujtuar atyre se “kaoaliconi tjetër ka brenda 4 parti komuniste me emra të ndryshëm, dhe ka kaluar drejt ekstremit të majtë...” dhe se është e nevojshme të mblidhet çdo votë e djathtë apo e qendrës.

k.c.