Basha: Më 20 shkurt protestojmë paqësisht

Deputetë të Partisë Demokratike ditët e fundit kanë bërë thirrje radikale për protestën e paralajmëruar më 20 shkurt. Por, kreu i PD-së, Lulzim Basha ka folur për një marshim paqësor.“Marshimi i përkujtimit dhe protestës është thirrur nga Partia Demokratike, nga opozita dhe do të drejtohet prej nesh. Do të jetë një marshim proteste paqësor; por do të  jetë një manifestim i fuqishëm i shpirtit të lirë dhe demokratik  të qytetarëve shqiptarë, 23 vjet pas rrëzimit të  monumentit të Enver Hoxhës  që ishte  vetë emri  dhe mbiemri i diktaturës, shtypjes, izolimit, mjerimit dhe mashtrimit  të shqiptarëve për gjysmë shekulli”, tha Basha gjatë një takimi në Kavajë. Ai ftoi që në këtë ditë në sheshin “Skenderbej”, të jenë të pranishëm  të gjithë ata që dolën në shesh më 20 shkurt të vitit 1991. S.S