A.Tare: Nuk është çudi që UDB të ketë gisht në mënyrën sesi u transferua pushteti në vitin 1990

UDB-ja jugosllave ishte shërbimi sekret më aktiv dhe më i informuar mbi situatën në Shqipëri; dhe nga dokumentat që ai ka studiuar, studiuesi Auron Tare ka krijuar përshtypjen që UDB nuk është pa rol në ngjarjet e vitit 1990-1991 në Tiranë dhe në duart tek të cilat do të transferohej pushteti i ri. Në një intervistë për gazetën Dita, Tare flet ndër të tjera për dokumentet historike që i kanë rënë në dorë, në bazë të të cilave ai nxjerr edhe disa konkluzione logjike. Tare nuk lë pa përmendur dështimin e shërbimeve anglo-amerikane për të rrëzuar regjimin komunist disa vite rresht, deri në 1954-ën, dhe sugjerimin që UDB-ja u bënte amerikanëve: Enver Hoxha nuk mund të rrëzohej nga një klasë tashmë e përmbysur, por vetëm nga njerëzit e tij të afërt dhe të pakënaqur, pra brenda elitës komuniste, ose ai mund të kontrollohej prej tyre për një politikë jo agresive ndaj Jugosllavisë. Ky qëndrim shumë realist, thotë Tare, vjen nga njohja e shkëlqyer e jugosllavëve për realitetin shqiptar, dhe është logjike që UDB të ketë gisht edhe në menaxhimin e ngjarjeve të viteve 90-të. “Por kur të hapen arkivat e atyre viteve, atëherë do të kemi një pamje më të mirë”, thotë Tare.

Lexoni më shumë në linkun: http://gazetadita.al/udb-dhe-pyetja-kush-erdhi-ne-pushtet-pas-vitit-1991/

a.k