Anne Hathaway, më e lumtur se kurrë!

Aktorja Anne Hathaway ka vetëm 18 muaj që është martuar me Adam Shulman. Kjo kohë si duket ka mjaftuar që të dy të gjejnë çelësin e lumturisë.

Një prej mënyrave se si ata ja dalin mbanë, është nëpërmjet të paktën një dite në javë, gjatë së cilës i dedikohen ekskluzivisht njëri-tjetrit.

“Për të paktën 24 orë në javë, mbyllim të gjithë telefonat, shkëputemi nga e gjithë teknologjia dhe përqendrohemi vetëm tek njëri-tjetri”, ka thënë Hathaway në një intervistë për një revistë rozë.

“Është e habitshme se sa e vështirë është t’ia dalësh mbanë, pasi jetojmë të dy në një botë moderne në kontakt të përditshëm me teknologjinë, por po arrijmë t’ia dalim mbanë”, deklaroi aktorja.