“Rekord” i ri i çmendurisë së Cyrus

Çmenduria e Miley Cyrus njohu kufinj të rinj, mbrëmjen e së shtunës në Las Vegas. 

Pasi ndoqi një shfaqje të Britney Spears, në “Qytetin e Mëkatit”, 21-vjeçarja vendosi që të frekuentonte një lokal nate brenda një prej kazinove më të famshme të qytetit.

Gjatë mbrëmjes, ajo u fotografua duke u puthur, duke u prekur dhe duke kërcyer në mënyrë provokuese me shumë prej djemve të pranishëm.Megjithatë, midis “kandidatëve” të Cyrus, ai që tërhoqi më shumë vëmendjen ishte Kellan Lutz, protagonist i sagës së “Twylight”.