Fushatë denigruese në Jug. Kryeministri në Himarë: “Mos na turpëroni duke bërë budallain, duke votuar atë që ka sjellë Saliu këtu”. Në Gjirokastër e cilëson qeverinë Berisha, si armike

Kryeministri i vendit, bashkë me aleatin e vet, Ilir Meta, kanë zbritur në Jug të vendit për të bërë fushatë për kandidatët e mazhorancës. Po sjellim në vëmendje deklaratat e kryeministrit në Himarë dhe në Gjirokastër. Në Himarë: “Himarjotët janë njerëz të çuditshëm, kanë lloje-lloje gjërash në kokë, janë kokë më vete, por budallenj as kanë qenë dhe as i ka bërë njeri për budallenj. Prandaj do t’ju lutesha shumë atyre himarjotëve që janë me Partinë Demokratike, që mos na turpëroni duke bërë budallain, duke shkuar për të votuar atë që ka sjellë Saliu këtu. Ja ku e keni Gjergjin. Pastaj flamurin e PD-së tundeni në zgjedhjet e ardhshme, po të doni. Por këtu na duhet një votë shumë e fortë për Gjergjin, sepse na duhet një motiv shumë i fortë që të vazhdojmë të punojmë sëbashku.
Në Gjirokastër: “Ju jeni dëshmitarë si shembeshin shtëpitë dhe rrënoheshin rrugicat, sepse gjithë ato vite që Shqipëria u qeveris nga një qeveri armike dhe Gjirokasta mori peshën e një padrejtësie të madhe të pamerituar”. Kurse Meta tha: “Kryetari aktual, Bime, ndryshoi krejtësisht pamjen e Gjirokastrës në shërbim të vlerave të trashëgimisë që ka qyteti”. Të shihet sesi kryeministri vlerëson si budallallëk votën për kundërshtarët në Himarë, apo sesi në Gjirokastër ngacmon sentimentin e qytetarëve duke nënkuptuar politika krahinariste nga qeveria Berisha. Pra asgjë më shumë sesa një fushatë me sens negativ, pa lënë mënjanë arrogancën. Ky formalisht do të duhet të ishte kryeministri i të gjithë shqiptarëve të Shqipërisë,
s.z