Kandidati i Aleancës për Shqipërinë Europiane: “Me ndarjen e re, çdo fshatar është qytetar i Tiranës”. Premton parqe, por nuk ka asnjë përgjigje për pallatet te diga e liqenit

Kandidati i Aleancës për Shqipërinë Europiane, Erjon Veliaj, ka zhvilluar sot takime me banorë të njësisë nr.8. Veliaj ka akuzuar paraardhësin, Lulzim Basha, për paaftësi dhe shpërdorim të fondeve. Ndonëse po zhvillon fushatë me një kandidat të cilin e konsideron të lodhur, Veliaj, nuk mungon të flasë për nevojën “e të qenit të bashkuar në mënyrë që të fitohet”. Cili është sensi i këtij bashkimi? Kush do bashkohet që Veliaj të fitojë? Ndoshta fjalia e mëposhtme jep një shpjegim: “Sot çdo fshatar është qytetar i Tiranës. Me ndarjen e re janë të gjithë qytetarë të Tiranës”, tha Veliaj, duke dhënë “një goditje poshtë rripit”, për kandidaturën qytetare të Halim Kosovës. Mesa duket Tirana është një bast shumë i madh i mazhorancës, kryeministrit posaçërisht, sa kohë kandidati i përzgjedhur po përdor çdo mjet për të arritur një fitore, e cila deri më tani po kërkohet pa ndonjë program konkret, apo plan, por duke u bazuar te diskreditimi i kundërshtarit. Diskreditim, i cili nuk nevojë në fakt, pasi mandati i Bashës në Bashki flet vetë. Për më tepër, që ndërkohë që Veliaj flet e flet për Tiranën, deri më sot nuk ka thënë asgjë për pallatet te diga e Liqenit, që jane shqetësim qytetar. Madje edhe kur premton parqe: “Kush do që të shtohen parqet, kush do që bukuroshja e fjetur të zgjohet nga gjumi i këtyre 4 viteve, të zgjohet e të marë drejtimin e duhur dhe ne do ta bëjmë këtë. Çuni i kësaj lagjeje para 4 viteve dha shumë premtime, por nuk bëri asgjë, nuk bëri tramin, nuk ndërtoi çerdhet e premtuara, nuk bëri asnjë park”, tha kandidati.
s.z