Moska shqetësohet nga deklarata e Ramës për bashkim me Kosovën: Nuk kontribuon në ruajtjen e klimës fqinjësore në Ballkan

Deklarata e Ramës për bashkim me Kosovën ka shqetësuar dhe Rusinë. “Retorika për Shqipërinë e Madhe nuk kontribuon në ruajtjen e klimës së stabilitetit dhe marrëdhënieve të mira fqinjësore në Ballkan”. Kështu ka reaguar Moska pas deklaratave të kryeministrit të Shqipërisë, Edi Rama për bashkimin me Kosovën. Sipas "B92", deklarata bëhet nga Ministria e Jashtme e Rusisë, si reagim ndaj asaj që ‘Rama tha bashkimin e ardhshëm të vendit të tij dhe Kosovës “përmes BE­së, apo mënyrën klasike.” “Moska i ka kushtuar vëmendje deklaratës së bërë me 4 prill nga Kryeministrit shqiptar Edi Rama për mundësinë e unifikimit të shqiptareve në kuptimin klasik”­ thuhet ne reagim. Sipas Moskës, “ne supozojmë se nuk ka rëndësi se çfarë konsideratash apo motivesh mund të qëndrojnë prapa fjalëve të Ramës, por përsëritja e retorikës pan­shqiptare nuk ka gjasa që të kontribuojë në ruajtjen e klimës së stabilitetit dhe të fqinjësisë së mirë në rajonin e Ballkanit, që është jetik për Rusinë dhe vendet evropiane”, theksoi Ministria e Jashtme e Rusisë.

http://www.b92.net/eng/news/region.php?yyyy=2015&mm=04&dd=16&nav_id=93824