Kamza, përplasja mes kandidatëve Mziu e Gjici me sfond kronike. PD ngre disa pyetje për grabitjen 6 mln euro

Sot Kamza nuk është më një periferi pothuajse rurale e Tiranës, por njëra nga bashkitë më të mëdha në vend. Dhe përplasja politike në prag të zgjedhjeve lokale, për këtë rajon duket më e nxehtë se kurrë. Ndërsa kandidati i PD-së dhe kryebashkiaku aktual Xhelal Mziu po garon me një vendim gjykate prej 2 vitesh burg në shpinë (që është apeluar) për korrupsion me tenderat, opozita po sulmon fort rivalin e tij, kandidatin e mazhorancës Safet Gjici, aktualisht prefekt në Kukës. Argumenti i PD-së është një grabitje misterioze e deklaruar prej mbi 6 milionë eurosh nga një dega banke në Tiranë, e cila ruhej nga policia private në pronësi të Gjicit. Që në fillim deputeti Sali Berisha e etiketoi këtë ngjarje si të organizuar, me qëllim financimin e fushatës së Gjicit në Kamzë, një zonë që rregullisht ka votuar djathtas. Sot deputeti gerti Bogdani iu rikthye kësaj çështje, duke pyetur se “ç’lidhje ka Gjici dhe kompania e tij me këtë ngjarje”, dhe përse policia nuk po publikon asnjë ecuri të hetimeve, nëse ka bërë të tilla për këtë vjedhje shumë serioze.

a.k