Kryeministri Rama takon Bamir Topin: Po japim shembull pozitiv për politikën dhe shoqërinë shqiptare
Bamir Topi ka nisur takimet me Edi Ramën për të vendosur për koalicionin e ardhshëm. Topi Kryetari i FRD, është takuar me kryeministrin në ambientet e Hotel Sheraton në Tiranë. Rama ishte i pari që i bëri një ftesë publike FRD-së për koalicion në këto zgjedhje dhe Topi e pranoi këtë ftesë. Ai nuk shprehu pretendime për ndonjë njësi të veçantë bashkiake, por tha se synojnë të fitojnë sa më shumë këshilltarë vendorë. Megjithatë Topi tha se nisja e negociatave nuk nënkupton vendosjen e koalicionit. Pas takimit, kryeministri Edi Rama tha për mediat: “Ky është një rast specifik pasi është një parti e pozicionuar qartazi në një pozicion opozitar, të moderuar, i spektrit të djathtë. Ky është një shembull pozitiv për politikën dhe shoqërinë shqiptare”, - tha Rama.
Ndërkohë kreu i FRD, Bamir Topi, tha se ishte takimi i parë dhe nuk u paraqitën kërkesa. “FRD është e vendosur mbi bazën e parimeve shumë të qarta, që kanë të bëjnë me funksionimin e shtetit dhe institucioneve. Ne shohim me keqardhje që administrimi i pushtetit vendor mbetet shumë problematik, sidomos në qytetet e mëdha. Ne jemi në një pozicion modern në politikë, jemi për komunikim,” tha Topi.
Comments
Ta merr mendja qe Berisha ia
<p>Ta merr mendja qe Berisha ia vishte kot, kur akuzonte per grushte shteti,</p><p>me pjesemarrje edhe te ish-Presidentit Topi dhe te ish-Prokurores qe i eshte harruar emri (ngaqe as me pare nuk kishte pasur);</p><p>Por a ka ndonje njeri ne kete bote te kuptoj: Cila eshte ambicja politike e Ish-presidentit Topi qe nxitoi te krijonte Parti te Re?!</p><p>Natyrisht, president nuk behet me, as ai dhe as Berisha, por cfare e mire e shtyn te hyje ne koalicion me Partine ne Pushtet, aq me teper me partine e Majte te spektrit politik te Tiranes se Kuqe?!</p><p>A mjafton qenia bashk kunder Berishes?</p><p>A inspiron dot shqiptaret thjesht duke qene ne koalicion politik kunder Berishes, edhe pse Bamiri ngulmon te shprehet se Zgjedhjet qe vijne jane lokale, qeverisese dhe jo politike?</p><p>Pse e leshon veten ish-presidenti deri ne absurd, teksa edhe vete edhe Edi Rama, per kortezi, e quajne FRPD-ne si</p><p>Parti te Djathte qartazi te Moderuar !</p>
Add new comment