Shkullaku në “Mapo”: Ky skandal nuk mbaron te mustaqet e Didit

“Ministri Saimir Tahiri ia ka marrë dorën teatrit. Ai del me kokën ulur, me pamje të përvuajtur dhe me zërin gati në të qarë, sa herë që gjendet i përfshirë në një skandal. Si kalorësi i fytyrës së vrerosur ai u shfaq të martën në mesditë për të kërkuar falje për atë që ai e quajti “gabueshmëri njerëzore”. E njëjta pamje si për avionin e drogës, vrasjen e Artan Santos, shpërthimet me tritol apo ekzekutimin e katër personave nga Kostandin Xhuvani. Ky është Saimiri, që ka mësuar nga shefi i tij se një skandal kalohet më lehtë me pranim të fajit se sa me arrogancë”. Kështu shkruan analisti Armand Shkullaku në një shkrim për gazetën “Mapo”. Sipas tij, ky skandal nuk mbyllet tek “mustaqet e Didit”. “Si teknikë nuk është e keqe, por varet shumë nga përmasat e skandalit. Dhe ky i fundit është i tillë që nuk mund të fillojë e të mbarojë tek mustaqet e Didit. Ai është shumë herë më i madh dhe dramatik. Nëse Didi dha dorëheqjen për të shpëtuar Saimir Tahirin, ky i fundit do duhej ta kishte dhënë atë për të shpëtuar Edi Ramën,” shkruan Shkullaku.

http://www.mapo.al/2015/04/doreheqja-e-didit-per-te-mbuluar-skandalin