Mbrojtje e pathyeshme për bashkëpunëtorët e Sigurimit të Shtetit. Rrëzohet drafti Doda-Idrizi. Miratohet drafti i qeverisë që parashikon vetëm informim

Nisma e deputetëve Mesila Doda dhe Shpëtim Idrizi për hapjen e dosjeve të bashkëpunëtorëve të Sigurimit të Shtetit, që aktualisht mund të mbajnë detyra në administratë dhe institucione të ndryshme, është rrëzuar në Komisionin Parlamentar të Ligjeve. Relatori i tij, Armando Subashi, ka deklaruar se drafti në fjalë vjen ndesh me vendimin e Gjykatës Kushtetuese të vitit 2009 që rrëzpi projektligjij e hartuar asokohe nga qeveria Berisha. “Duhet të jemi shumë të kujdesshëm, tha ai, pasi është shumë e rëndësishme që të dy ligjet të jenë në përputhje me Kushtetutën. Ligji 2008 bashkë me këtë të ardhur nga dy deputetët janë njësoj në përmbajtjen e vet mund të ndryshojnë vetëm në presje. Përpara kemi një vendim të Kushtetutës për shfuqizimin e këtij ligji në tërësi. Pra ligji i 2008-s është shfuqizuar. Ky projektligj bie ndesh me parimet kushtetuese”, tha Subashi. Në komision ka patur debate, pasi përfaqësues të PD-së e kanë cilësuar si të njëanshëm vendimin e Gjykatës Kushtetuese të vitit 2009, kohë kur në të qëndronte Fehmi Abdiu. Komisioni ka miratuar vetëm me votat e shumicës prrojektligjim e qeverisë që siç tha Subashi, vetëm sa parashikon të drejtën e informimit, e për rrjedhojë nuk bie ndesh me Kushtetutën.