Pas Kokëdhimës, edhe prefektja e Vlorës kundër koncesionit të parkingjeve. Akuzon S. e Përgjithshëm të Prefekturës se ka firmosur pa u konsultuar me të

Kundërshtimi i koncesionit të parkingjeve publike në Vlorë nga ana e deputetit të qarkut, Koço Kokëdhima, ka gjetur sot mbështetje edhe nga prefektja Etjona Hoxha. Ajo ka nxjerrë edhe një argumentim të natyrës administrative, teksa ka bërë të ditur se sekretari i Përgjithshëm i Prefekturës, ka firmosur vendimin e Këshillit Bashkiak, pa u konsultuar më parë me prefekten. Koncesioni është dhënë për 15 vjet dhe parashikon një taksim prej 50/orë, shifër që vlerësohet si e lartë. Gjithsesi nuk dihet se çfarë hapash konkretë do të ndërmerren pasi prishja e njëanshme e kontratës do të çonte çështjen në gjyq ndërkombëtar, ku Shqipëria po paguan rregullisht shuma të mëdha, për shkak të akteve të tilla.
http://vizionplus.al/vlore-prefektja-hoxha-jo-parkingjeve-me...