Pas vizitës në Shqipëri, tre deputetë të Demokracisë së Re kërkojnë ngritjen e një varreze në Korçë për ushtarët grekë të rënë gjatë luftës së Dytë Botërore
Pas një vizite në Korçë, ku morën pjesë në festimet për Rilindjen Kombëtare Greke të organizuara nga Konsullata e shtetit fqinj, tre deputetë grekë nga radhët e Demokracisë së Re të ish-kryeministrit Samaras, i kanë kërkuar Ministrisë së Jashtme greke dhe asaj të Mbrojtjes të kërkojnë nga pala shqiptare ngritjen e një varreze për ushtarët grekë në rajonin e Korçës; si dhe zbatimin e marrëveshjes së arritur në vitin 2009 për varrosjen e ushtarëve grekë të rënë gjatë luftës së Dytë Botërore në dy varreza, Bularat dhe Këlcyrë. Deputetët thonë se bazuar në një raport të ish-nënkryetarit të parlamentit grek, Georgios Tasulas, ushtarët greke të rënë në frontin shqiptar të luftës italo-greke në vitet 1940-’41 konsiderohen në 7 mijë e 796 persona. Sipas tyre shteti shqiptar nuk bëri asgjë në vitet e komunizmit për të rënët grekë, ndërsa edhe politika shqiptare pas viteve ’90 refuzoi për dy dekada ngritjen e 3 varrezave për ushtarët grekë në territorin shqiptar. Në marrëveshjen e vitit 2009 u ra dakord për ngritjen e dy varrezave dhe ngritja e një komisioni të përbashkët shqiptaro-grek për këtë çështje. Deputetët grekë ngrejnë shqetësimin se ky komision u mblodh vetëm një herë në 23 Prill të vitit 2012 dhe vendimet e marra prej tij nuk u zbatuan asnjëherë.
l.m
Comments
Kur do te mbaroje kjo
<p>Kur do te mbaroje kjo cmenduri greke qe ka dekada te tera qe vazhdon. Edhe te vdekurit nuk i lene rehat per te rrembyer nje cope toke, e cila nuk u ka takuar kurre.</p><p> </p><p>Tung,</p><p>Blendi</p>
Add new comment