Tom Doshi pas kërkesës së prokurorisë për arrestimin e tij: Nuk ma mbylli gojën as Enver Hoxha jo më Ilir Meta

Deputeti i Shkodrës, Tom Doshi, ka reaguar në Facebook, mbi kërkesën që prokuroria i bëri sot Kuvendit, për të miratuar arrestimin e tij dhe të deputetit tjetër Mark Frroku, pasi ka dyshime se ngjarja e publikuar nga Doshi se kryeparlamentari Ilir Meta ka porositur vrasjen e tij dhe të deputetit demorkat Mhill Fufi, ka qenë e sajuar. “Po përpiqen të bëjnë burgosje politike në Shqipëri ne vitin 2015. Po përpiqen të më mbyllin gojën për denoncimin e një krimi ku është i përfshire Kryetari i Kuvendit te Shqiperise. Ne Rusi ndodh qe Vladimir Putin vret dhe burgos kundërshtaret politik. Na doli nje Ilir Meta dhe ne Shqiperi qe kontrollon gjithe pushtetet dhe kërkon te burgose deputete politikisht. Pasi dështoi t’me vriste, Ilir Meta po kërkon t’me burgos, duke bere bashkëpunëtor ne këtë krim gjithe strukturat e shtetit, përfshire dhe Parlamentin. Unë kam qenë çdo dite ne dispozicion te plote te Prokurorise dhe te kërkosh te arrestosh një deputet qe çdo dite ka qene i gatshëm te dëshmoj, te flas, te pergjigjet, te kontribuoj per te vërtetën, kjo nuk është vetëm tendencioze, kjo është një mase represive tepër e rende, e pabazuar ne ligj, me sfond te qarte politik. Familjes time te persekutuar politikisht nuk ja ka mbyll gojen as regjimi i Enver Hoxhës duke pushkatuar 5 anëtar te kësaj familje, dhe as mua nuk mund t’me tremb kërcënimi për burg politik”, shkruan mes të tjerash Tom Doshi.