Traktet në Vlorë, thirrje për reagim dhe një koincidencë me 1997-ën

Disa qindra trakte janë shpërndarë sot në mëngjes në qytetin e Vlorës. Traktet janë firmosur nga “Vlora përgjigjet”, që merr përsipër autorësinë, ndonëse nuk dihet nëse bëhet fjalë për një organizatë. Slogani është ndërgjegjësohu dhe pyetet në mënyrë domethënëse “ku është dinjiteti i voonjatit”. “Është koha për të vepruar në emër të së ardhmes”, thuhet ndër të tjera, teksa fotot ilustrojnë në mënyrë stigmatizuese aksionet për energjinë dhe ato të INUK-ut. Nuk ka ende një qëndrim të policisë për këto trakte, por duket se ngjarja ka një lidhje simbolike. Ose është një koincidencë që shton dyshimet. 11 shkurti është data në të cilën nismë protestat e forta më Vlorë në vitin 1997, pasi në këtë datë u krye ceremonia mortore e Artur Rustemit. Pas kësaj date protestat humbën karakterin paqësor. Po kështu sot drejtori i Policisë, Artan Didi, duke komentuar vënien e eksplozivit ndaj në farmacinë e të atit të ministrit të Brendshëm, ka theksuar se mund të bëhet fjalë edhe për segmente që janë të interesuar për destabilizim. Ngjarjet nuk mund të vihen në një lidhje me njëra-tjetrën, por një klimë jo e qetë është krijuar gjithsesi.
s.z