Ndërtimi i Rrugës së Arbrit, një projekt ende i paqartë

Që ndërtimi i rrugës së Arbrit është projekt strategjik prioritar për Shqipërinë, kjo nuk vihet në dyshim. Ndërkohë ministri i Transportit, Edmond Haxhinasto ka konfirmuar se: “Qeveria është drejt finalizimit te bisedimeve për t’i dhënë me koncesion një kompanie kineze, segmentin nga Ura e Vashës deri në dalje të tunelit të Murrizit, që konsiderohet me i rëndësishmi i Rrugës se Arbrit”. https://vizionplus.al/kinezet-marrin-rrugen-e-arbrit/

Por vetëm kaq. Se mbi çfarë baze u zgjodh kompania kineze për të marrë këtë projekt të rëndësishëm për infrastrukturën shqiptare ende nuk është bërë publike. Ose të paktën, nuk i gjejmë në faqen zyrtare të Ministrisë së Transportit dhe Infrastrukturës. Ndërkohë mbetet e paqartë nëse ka kaluar apo jo nëpërmjet një tenderi kjo procedurë dhe nëse po, kur u paraqitën dokumentet e tenderit? Ajo që është po aq e rëndësishme është dhe fakti se çfarë termash përmban marrëveshja: Koncesion, BTO?

Ministri Haxhinasto në një intervistë për gazetën “Dita” pak ditë më parë shprehet se është gjetur një formulë financimi me një kompani kineze për ndërtimin e Rrugës së Arbrit. Por ai shton se nuk mund të bëjë të njohura kriteret e formulës së financimit dhe ndërtimit të saj për sa kohë që çështja është ende në diskutim. http://www.gazetadita.al/haxhinasto-marreveshje-me-kinezet-per-ndertimin-e-rruges-se-arbrit-dhe-portit-te-shengjinit/

Ndërkohë nuk dihet ende nëse pala shqiptare do të jetë financuese në këtë projekt, sa është fatura e saj dhe a është përfshirë ky zë në buxhet?

Të gjitha këto janë pika ende të errëta dhe mbetet për t’u mësuar, nëse projekti do të jetë aq transparent sa duhet.

res.pu