Nga 2008-ta, BE-ja na ka dhënë 140 mln euro për mjedisin. Si është shpenzuar kjo shumë?

Konferenca për Zhvillimin e Qëndrueshëm të Industrisë, mbajtur sot, pati për kryefjalë deklaratën e ministrit të Mjedisit Lefter Koka. Sipas Kokës, qeveria do të jetë e palëkundur në penalizimet për ata që nuk zbatojnë legjislacionin përkatës për mbrojtjes e mjedisit, sidomos bizneset. Për këtë qëllim do të forcohen edhe strukturat e kontrollit, ku është në plan funksionimi i gjashtë laboratorëve që do të monitorojnë ajrin, ndërkohë që synohet rehabilitimi i 500 hektarëve sipërfaqe pyjore. Por nga kjo konferencë doli në dirtë dhe një shifër interesante, shqiptuar nga ambasadori i BE-së në Tiranë, Ettore Sequi, i pranishëm në këtë veprimtari. Sipas ambasadorit, nga viti 2008 e deri më sot BE-ja ka akorduar 140 milionë euro për mjedisin! Një shumë mbresëlënëse, për të cilën do ishte me shumë interes të dinim si është shpenzuar.

a.k