Analiza e humbjes së zgjedhjeve në PD, Basha: “Jemi të vonuar, na ka penguar Rama”!

Në një intervistë me gazetaren Ilva Tare në “Tonight”, i pyetur pse u shty me dy muaj procesi i analizës së humbjes zë zgjedhjeve nga PD, kryetari i saj, Lulzim Basha deklaroi se ka pasur vonesa për shkaqe të paparashikuara të luftës opozitare! “Nuk ishte ajo që kishim pritur. Shpresonim se do ndesheshim me Edi Ramën si me kreun e një maxhorance socialiste, me të cilin nuk ndajmë vlera dhe pikëpamje programore. Kishim dëshiruar të ndesheshim me të si me një socialist europian, por në fakt po ndeshemi me të si me një antidemokrat. Kjo ka diktuar një axhendë krejt ndryshe nga ajo që kishim parashikuar. Askush s’e kishte parashikuar që 8 javë pas futjes në zyra të kësaj qeverie do detyroheshim të thërrisnim një protestë masive para Kryeministrisë dhe do kishim një përgjigje kaq të madhe të qytetarëve. Kjo e ka shtyrë procesin!... Më tej Basha ka dhënë edhe një afat se kur do të përfundojë analiza, që do të jetë jo më shumë se dy muaj e gjysmë.

Zh.