Miq të palëkundur. Festa e Pavarësisë rikonfirmon aleancën me SHBA-të

Me armët kimike dhe “Jo”-në e Shqipërisë u diskutua edhe një lloj antiamerikanizmi që supozohet se lindi rishtas në vendin tonë. Por formalisht kjo “thepisje” në marrëdhëniet dypalëshe nuk mund  të vërtetohet kollaj. Nëse do ta përcjellim me fjalët e një prej analitëve shqiptarë “marrëdhëniet nuk u ceuan, sepse ato kanë një fundament shumë të gjerë”. Dhe si për të konfirmuar këtë gjë, sot, seketari amerikan i Shtetit, John Kerry, ka dërguar një telegram urimi me rastin e festës së Pavarësisë së Shqipërisë. Pasi rendit arritjet dhe sukseset e Shqipërisë, ai ‘mbërrin’ në frazën kyçe për një pjesë të opinionit. “Ndërkohë që ju festoni me familjet dhe miqtë, Shtetet e Bashkuara qëndrojnë me ju si një partner i palëkundshëm dhe aleat. Ne shohim përpara drejt një të ardhmeje të miqësisë dhe bashkëpunimit të vazhdueshëm”, shprehet Kerry. “Jo-ja” për armët kimike nuk duket ende të ketë prodhuar ndonjë pasojë të prekshme në planin diplomatik, por kujdesi dhe vigjilenca e një pjese të medias për raportin SHBA-Shqipëri është në finale pjesë e analizës, e cila pavarësisht mesazhit të Kerry-t do të vijojë të mbetet aktuale.

s.z