Gjergj Meta kundër ripërkufizimit të martesës (në lidhje me gay-të)

Kleriku Gjergj Meta ka artikuluar te MAPO e fund-javës një shqetësim që zë fill te fakti që Gjykata e Lartë e SHBA-së, jo vetëm lejoi martesat gay, por ripërkufizoi edhe martesën në vetvete, si ledhje burrë-burrë, a grua-grua.

Ndaj kleriku Meta, kjo “erë” që fryn në lidhje me vlerat themeltare të shoqërisë, sikurse janë familja dhe jeta, “duhet të nxisë krijimin e një fronti opozitar të papërkulur.” Ai thotë se “asnjë gjykatë, pavarësisht numrave, asnjë parlament, pavarësisht mazhorancave të cilësuara, nuk mund të prekë ato vlera që u paraprijnë këtyre mazhorancave e të cilat nuk janë të gatshme për eksperimentime laboratorike.”

Meta shpreh merakun se “marrëdhënia me të vërtetën e martesës të mos falsifikohet nga lobimet me matricë europiane apo amerikane për hir të interesave të ngushta apo të frikërave nga “të mëdhenjtë”... Këto nuk janë dhe nuk mund të jenë çështje mazhorancash, ndaj kërkojnë një konsultim më të gjerë e një opozitë morale më të fortë pjesë e së cilës nuk janë vetëm subjektet politike, por edhe shoqëria civile, Kisha katolike dhe komunitetet e tjera fetare.”

Për të, arsyeja e vërtetë e mëtimit të këtyre ligjve është banale, e as parimore, e s’ka asnjë ideal, por thjesht përfitime ekonomike që garantojnë ligjet për familjen. “E gjithë kjo bëhet që edhe çiftet gay të kenë të njëjtat benefite ekonomike sikurse edhe çiftet heteroseksuale në rastet kur divorcohen, apo kur adoptojnë fëmijë, apo kur u vdes partneri.” Le t’i marrin benefitet, shkruan Gjergj Meta, po s’mund të përkufizojnë familjen!

k.c.

i plotë:

http://mapo.al/2013/06/29/love-is-not-business/