Bamir Topi bën analizën e humbjes. Dhe thotë: “Berisha u largua? Nuk mjafton”

FRD-ja ka dalë e humbur nga këto zgjedhje, por Bamir Topi nuk ka hezituar ta thotë të vetën shpejt e shpejt. Bien në sy tre nënvizime të tij. Së pari, “FRD-ja njeh rezultatin”. Së dyti, “kjo humbje erdhi prej polarizimit të garës”. Së treti, “FD-ja po bëhet gati të bëjë opozitën”. Dhe së katërti, “kritikat e tyre të vazhdueshme u refuzuan, por elektorati me votë i vërtetoi ato”.

Më poshtë ai foli dhe për humbësin e madh, PD-në e Berishës. Dhe tha: “Vota popullore ndëshkuese për arrogancën e pushtetit aktual, penalizoi më shumë se gjithçka të djathtën e vërtetë shqiptare. Mijëra demokratë të vërtetë janë në opozitë për shkak të modelit të keqqeverisjes dhe abuzimit të pushtetit. Vlerësoj dorëheqjen e kryetarit të PD-së dhe e shoh si një hap pozitiv, por jo të mjaftueshëm për të nisur një proces reflektimi brenda të djathtës. Mijëra demokratë të ndershëm nuk janë vetëm. Ata meritojnë respekt dhe falje publike. Kjo tendencë për të evituar përballjen me realitetin vonon jo vetëm rikthimin e tyre dinjitoz në vendimmarrjen politike, por edhe procesin e krijimit të alternativës ndaj pushtetit.”

Re.Pu.