Ndreca: Fajtor është Berisha, por jo vetëm ….

Ardian Ndreca ka bërë shkrimin e parë pas 23 qershorit, dhe në të “përshëndet” Ramën që i ka bërë një shërbim të madh demokratëve duke e nxjerrë në pension Berishën. Dhe është me idenë se “me datën 23 qershor e djathta nuk ka humbë, ajo ka fitue bindshëm pse sot ka mundësinë historike me u çlirue përgjithmonë prej Berishës, Bashës e sojit të tyne”.

Humbjen e thellë të PD-së ai e lidh me Berishën. Por ka dhe të tjerë. Dhe të tjerë akoma. “Fajtorë për humbjen e thellë nuk janë vetëm megallomanët dhe demagogët pa asnji lloj spesori intelektual, moral e politik që kanë tregue vokacionin e tyne prej shërbëtorësh tue iu përkulë Berishës në gjithë këto vite; ata si Bumçi, Topalli, Basha, Noka, Olldashi, Bregu etj., por e gjithë PD-ja”, thotë Ndreca.

Dhe vijon: “Janë shkaktarë të kësaj humbjeje të gjithë ata, militanta të verbët, lolo, media në shërbim të rrenës, hyzmeqarë, prostituta debatesh shterpë, idiotë profesionista, brejtësa, hajna, dallkaukë, budallenj, oportunista… që kanë kontribu në dorzimin e shtetit në duert e nji njeriu të vetëm dhe e kanë fuqizue atë herë me mungesën e tyne të karakterit e herë me mendësinë totalitare të stampueme në negativin e ndërgjegjes qysh prej kohës së komunizmit.”

Shkrimin e plotë mund të gjeni në linkun http://www.gazetatema.net/web/2013/06/25/dhe-tashti-nji-republike-te-re/

Re.Pu.